kal raste mein ek ajab waqia hua

kal rāste meñ ek ajab vāqi.a huā

vo pahlī baar guzrā mujhe dekhtā huā

ai ḳhāma-e-navā hai agar vāqa.ī hunar

dīvār-e-jāñ pe naqsh banā boltā huā

gum ho ga.iiñ kahāñ vo parī-chehra titliyāñ

kartā hai intizār darīcha khulā huā

ḳhushiyāñ udaas ho ga.iiñ chehre utar ga.e

sab kuchh thā Thīk-Thāk ye lamhoñ meñ kyā huā

kyoñ āsmāñ ne khīñch lī talvār daf.atan

kyā kah rahā thā dast-e-duā kāñptā huā

chehre kī har ḳharāsh ne kī mujh se guftugū

jab ek aa.ine se mirā sāmnā huā

'yāvar' abhī sameT lo kashkol chashm meñ

baaqī na phir bachegā guloñ par likhā huā

kal raste mein ek ajab waqia hua

wo pahli bar guzra mujhe dekhta hua

ai KHama-e-nawa hai agar waqai hunar

diwar-e-jaan pe naqsh bana bolta hua

gum ho gain kahan wo pari-chehra titliyan

karta hai intizar daricha khula hua

KHushiyan udas ho gain chehre utar gae

sab kuchh tha Thik-Thak ye lamhon mein kya hua

kyon aasman ne khinch li talwar dafatan

kya kah raha tha dast-e-dua kanpta hua

chehre ki har KHarash ne ki mujh se guftugu

jab ek aaine se mera samna hua

'yawar' abhi sameT lo kashkol chashm mein

baqi na phir bachega gulon par likha hua