kal se dil-e-bimar ki haalat nahin achchhi

Aashiq Husain Bazm Afandi

kal se dil-e-bimar ki haalat nahin achchhi

Aashiq Husain Bazm Afandi

MORE BYAashiq Husain Bazm Afandi

    kal se dil-e-bīmār hālat nahīñ achchhī

    allāh kare ḳhair ho sūrat nahīñ achchhī

    us shoḳh se milne ye sūrat nahīñ achchhī

    maut achchhī magar ġhair minnat nahīñ achchhī

    maiñ āshiq-e-gesū huuñ bahaltā hai yahīñ dil

    kyūñkar ye kahūñ qabr vahshat nahīñ achchhī

    dekho ki gale milte sar kāTtī hai teġh

    sach kahte haiñ zālim mohabbat nahīñ achchhī

    kah kar kamar-e-yār ko mādūm hue ġham

    har pe tabī.at bhī jaudat nahīñ achchhī

    qātil tujhe degā lab-e-har-zaḳhm duā.eñ

    har-vaqt namak Daal ye ḳhissat nahīñ achchhī

    ai shaiḳh na kar shauq meñ hūroñ ibādat

    hargiz na mileñgī tirī niyyat nahīñ achchhī

    ye kah ke lahad merī vo kar jaate haiñ pāmāl

    phir is ko banāo ki ye turbat nahīñ achchhī

    ik aib bhī hai husn ke hamrāh butoñ meñ

    sūrat agar achchhī hai to sīrat nahīñ achchhī

    hai hai tujhe kis zālim-e-be-rahm ne rauñdā

    hālat jo tirī sabza-e-turbat nahīñ achchhī

    kyoñ tuur sharār-e-ruḳh-e-raushan se jalā.e

    kah de koī un se ye sharārat nahīñ achchhī

    jaate tire chhā ga.ī ghar bhar meñ udāsī

    maiñ kyā dar-o-dīvār hālat nahīñ achchhī

    ushshāq ko vo dekhte haiñ chashm-e-ġhazab se

    ik mus.haf-e-ruḳh meñ yahī sūrat nahīñ achchhī

    paidā karo andāz na.e taaza adā.eñ

    zulm-o-sitam-o-jaur meñ jiddat nahīñ achchhī

    maiñ ne jo kahā ranj hai kyā marg-e-adū

    bole ki nahīñ merī tabī.at nahīñ achchhī

    ai dīda-e-tar ro ki kaTeñ hijr rāteñ

    barsāt meñ paanī ye qillat nahīñ achchhī

    gherā jo mujhe dā.era-e-ranj-o-alam ne

    kyā mere muqaddar kitābat nahīñ achchhī

    ai 'bazm' uThā kartā hai kyoñ dard jigar meñ

    sach kah kise dekhā ki tabī.at nahīñ achchhī

    kal se dil-e-bimar ki haalat nahin achchhi

    allah kare KHair ho surat nahin achchhi

    us shoKH se milne ki ye surat nahin achchhi

    maut achchhi magar ghair ki minnat nahin achchhi

    main aashiq-e-gesu hun bahalta hai yahin dil

    kyunkar ye kahun qabr ki wahshat nahin achchhi

    dekho ki gale milte hi sar kaTti hai tegh

    sach kahte hain zalim ki mohabbat nahin achchhi

    kah kar kamar-e-yar ko madum hue gham

    har ja pe tabiat ki bhi jaudat nahin achchhi

    qatil tujhe dega lab-e-har-zaKHm duaen

    har-waqt namak Dal ye KHissat nahin achchhi

    ai shaiKH na kar shauq mein huron ki ibaadat

    hargiz na milengi teri niyyat nahin achchhi

    ye kah ke lahad meri wo kar jate hain pamal

    phir is ko banao ki ye turbat nahin achchhi

    ek aib bhi hai husn ke hamrah buton mein

    surat agar achchhi hai to sirat nahin achchhi

    hai hai tujhe kis zalim-e-be-rahm ne raunda

    haalat jo teri sabza-e-turbat nahin achchhi

    kyon tur sharar-e-ruKH-e-raushan se jalae

    kah de koi un se ye shararat nahin achchhi

    jate hi tere chha gai ghar bhar mein udasi

    main kya dar-o-diwar ki haalat nahin achchhi

    ushshaq ko wo dekhte hain chashm-e-ghazab se

    ek mushaf-e-ruKH mein yahi surat nahin achchhi

    paida karo andaz nae taza adaen

    zulm-o-sitam-o-jaur mein jiddat nahin achchhi

    main ne jo kaha ranj hai kya marg-e-adu ka

    bole ki nahin meri tabiat nahin achchhi

    ai dida-e-tar ro ki kaTen hijr ki raaten

    barsat mein pani ki ye qillat nahin achchhi

    ghera jo mujhe daera-e-ranj-o-alam ne

    kya mere muqaddar ki kitabat nahin achchhi

    ai 'bazm' uTha karta hai kyon dard jigar mein

    sach kah kise dekha ki tabiat nahin achchhi

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now