kal yunhi tera tazkira nikla

kal yūñhī terā tazkira niklā

phir jo yādoñ kā silsila niklā

log kab kab ke āshnā nikle

vaqt kitnā gurez-pā niklā

'ishq meñ bhī siyāsateñ niklīñ

qurbatoñ meñ bhī fāsla niklā

raat bhī aaj be-karāñ niklī

chāñd bhī aaj ġham-zada niklā

sunte aa.e the qissa-e-majnūñ

ab jo dekhā to vāqi'a niklā

ham ne maanā vo bevafā hī sahī

kyā karoge jo bā-vafā niklā

muḳhtasar thiiñ firāq kī ghaḌiyāñ

pher lekin hisāb kā niklā

jis ko chāhā vahī sanam Thahrā

jis ko puujā vahī ḳhudā niklā

kal yunhi tera tazkira nikla

phir jo yaadon ka silsila nikla

log kab kab ke aashna nikle

waqt kitna gurez-pa nikla

'ishq mein bhi siyasaten niklin

qurbaton mein bhi fasla nikla

raat bhi aaj be-karan nikli

chand bhi aaj gham-zada nikla

sunte aae the qissa-e-majnun

ab jo dekha to waqi'a nikla

hum ne mana wo bewafa hi sahi

kya karoge jo ba-wafa nikla

muKHtasar thin firaq ki ghaDiyan

pher lekin hisab ka nikla

jis ko chaha wahi sanam Thahra

jis ko puja wahi KHuda nikla