kali kali ke labon par ye nam kis ka hai
kalī kalī ke laboñ par ye naam kis kā hai
tire chaman meñ ai maalī qiyām kis kā hai
kahīñ pe dil haiñ bichhā.e ga.e kahīñ palkeñ
ye kaun aayā hai ye ehtimām kis kā hai
use raqīb na samjheñ to aur kyā samjheñ
hamāre naam ke pīchhe ye naam kis kā hai
tamām shahr samajhtā hai pārsā mujh ko
maiñ muqtadī huuñ magar tū imaam kis kā hai
sivā tumhāre koī qatl kar nahīñ saktā
vo tum nahīñ to batāo ye kaam kis kā hai
bahāna-bāzī kiyā kar na ai mire saaqī
surāhī kis ke liye hai ye jaam kis kā hai
tumhīñ pe naaz hai nāzāñ na ho bhalā kaise
hai 'saifī' jis kā taḳhallus ġhulām kis kā hai
kali kali ke labon par ye nam kis ka hai
tere chaman mein ai mali qiyam kis ka hai
kahin pe dil hain bichhae gae kahin palken
ye kaun aaya hai ye ehtimam kis ka hai
use raqib na samjhen to aur kya samjhen
hamare nam ke pichhe ye nam kis ka hai
tamam shahr samajhta hai parsa mujh ko
main muqtadi hun magar tu imam kis ka hai
siwa tumhaare koi qatl kar nahin sakta
wo tum nahin to batao ye kaam kis ka hai
bahana-bazi kiya kar na ai mere saqi
surahi kis ke liye hai ye jam kis ka hai
tumhin pe naz hai nazan na ho bhala kaise
hai 'saifi' jis ka taKHallus ghulam kis ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
