kamal-e-ishq mein jazb-o-asar ki baat na kar

kamāl-e-ishq meñ jazb-o-asar kī baat na kar

unhīñ kī raah meñ kho jā ḳhabar kī baat na kar

tirī talāsh meñ manzil kī koī qaid nahīñ

haram kī dair kī dīvār-o-dar kī baat na kar

kalīm dekh chuke husn-e-yār ke jalve

ye un kā baḳht hai zauq-e-nazar kī baat na kar

mahak mahak uThīñ galiyāñ jo khul ga.e gesū

riyāz-e-hazrat-e-ḳhairul-bashar kī baat na kar

shu.ūr usī kā to arsh-e-barīñ kī zīnat hai

faqat rasā.ī-e-pā-e-bashar kī baat na kar

tulūa-e-māh-e-arab se haiñ do-jahāñ raushan

ziyā-furozī-e-shams-o-qamar kī baat na kar

chaman-badosh hai har zarra arz-e-taiba kā

bahār-e-gulshan-e-gulhā-e-tar kī baat na kar

bahār-e-mus.haf-e-nātiq ke dekhne vaale

iram kī dahr kī barg-o-shajar kī baat na kar

hamāre ashk-e-nadāmat kā koī mol kahāñ

ye nazr-e-naqd hai la.al-o-gohar kī baat na kar

jahāñ meñ chaar sū phailā huā hai buġhz-o-inād

añdherī raat meñ nūr-e-sahar kī baat na kar

'shafī.a' ummīd hai baḳhshā.eñge vahī mujh ko

ba-juz atā-e-shah-e-bahr-o-bar kī baat na kar

kamal-e-ishq mein jazb-o-asar ki baat na kar

unhin ki rah mein kho ja KHabar ki baat na kar

teri talash mein manzil ki koi qaid nahin

haram ki dair ki diwar-o-dar ki baat na kar

kalim dekh chuke husn-e-yar ke jalwe

ye un ka baKHt hai zauq-e-nazar ki baat na kar

mahak mahak uThin galiyan jo khul gae gesu

riyaz-e-hazrat-e-KHairul-bashar ki baat na kar

shuur usi ka to arsh-e-barin ki zinat hai

faqat rasai-e-pa-e-bashar ki baat na kar

tulua-e-mah-e-arab se hain do-jahan raushan

ziya-furozi-e-shams-o-qamar ki baat na kar

chaman-badosh hai har zarra arz-e-taiba ka

bahaar-e-gulshan-e-gulha-e-tar ki baat na kar

bahaar-e-mushaf-e-natiq ke dekhne wale

iram ki dahr ki barg-o-shajar ki baat na kar

hamare ashk-e-nadamat ka koi mol kahan

ye nazr-e-naqd hai lal-o-gohar ki baat na kar

jahan mein chaar su phaila hua hai bughz-o-inad

andheri raat mein nur-e-sahar ki baat na kar

'shafia' ummid hai baKHshaenge wahi mujh ko

ba-juz ata-e-shah-e-bahr-o-bar ki baat na kar