kamal-e-shauq-e-safar bhi udhar hi jata hai
kamāl-e-shauq-e-safar bhī udhar hī jaatā hai
kisī safar kā musāfir ho ghar hī jaatā hai
vo aadmī hī to hotā hai ġham kī shiddat se
hazār koshisheñ kar le bikhar hī jaatā hai
vo hijr ho ki tire vasl kā koī lamha
vo mustaqil nahīñ hotā guzar hī jaatā hai
jo is se pahle bhī shīshe meñ baal aayā ho
to dil kisī na.ī ulfat se Dar hī jaatā hai
chaḌhā huā koī dariyā ho yā ki nashsha ho
'yashab' kabhī na kabhī to utar hī jaatā hai
kamal-e-shauq-e-safar bhi udhar hi jata hai
kisi safar ka musafir ho ghar hi jata hai
wo aadmi hi to hota hai gham ki shiddat se
hazar koshishen kar le bikhar hi jata hai
wo hijr ho ki tere wasl ka koi lamha
wo mustaqil nahin hota guzar hi jata hai
jo is se pahle bhi shishe mein baal aaya ho
to dil kisi nai ulfat se Dar hi jata hai
chaDha hua koi dariya ho ya ki nashsha ho
'yashab' kabhi na kabhi to utar hi jata hai
Source:
Kitab-e-tanhaii (Pg. 107)
- Author: Yashab Tamanna
-
- Edition: 2011
- Publisher: Shirkat Press, Lahore
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
