kamron mein chhupne ke din hain aur na barahana raaten hain
kamron mein chhupne ke din hain aur na barahana raaten hain
Shahzad Ahmad
MORE BYShahzad Ahmad
kamroñ meñ chhupne ke din haiñ aur na barahana rāteñ haiñ
ab aapas meñ karne vaalī aur bahut sī bāteñ haiñ
lazzat aur yaktā.ī kā ik jhoñkā aayā biit gayā
phir se apne apne dukh haiñ apnī apnī zāteñ haiñ
qurbat kī lazzat jaise bārish meñ patthar rakkhā ho
andar sahrā jaisā mausam aur bāhar barsāteñ haiñ
mom sā nāzuk paikar us kā haath lage aur ghul jaa.e
mere jism meñ jalne vaalī ḳhvāhish kī sauġhāteñ haiñ
aaj mile to yuuñ lagtā hai aaj ke ba.ad nahīñ milnā
saañs bhī lene kī nahīñ fursat ukhḌī ukhḌī bāteñ haiñ
āḳhir koī paḌh hī legā rusvā.ī kī tahrīreñ
ye mere chehre kī lakīreñ kuchh jīteñ kuchh māteñ haiñ
ab jin ko taḳhlīq ke fan kā da.avā hai 'shahzād' bahut
TuuTe hue qalam haiñ un ke sūkhī huī davāteñ haiñ
kamron mein chhupne ke din hain aur na barahana raaten hain
ab aapas mein karne wali aur bahut si baaten hain
lazzat aur yaktai ka ek jhonka aaya bit gaya
phir se apne apne dukh hain apni apni zaten hain
qurbat ki lazzat jaise barish mein patthar rakkha ho
andar sahra jaisa mausam aur bahar barsaten hain
mom sa nazuk paikar us ka hath lage aur ghul jae
mere jism mein jalne wali KHwahish ki saughaten hain
aaj mile to yun lagta hai aaj ke baad nahin milna
sans bhi lene ki nahin fursat ukhDi ukhDi baaten hain
aaKHir koi paDh hi lega ruswai ki tahriren
ye mere chehre ki lakiren kuchh jiten kuchh maten hain
ab jin ko taKHliq ke fan ka dawa hai 'shahzad' bahut
TuTe hue qalam hain un ke sukhi hui dawaten hain
Source:
Deewar pe dastak (Pg. 562)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.