kanar-e-barg-e-tabassum larazta qatra hai

Mohammad Asadullah

kanar-e-barg-e-tabassum larazta qatra hai

Mohammad Asadullah

MORE BYMohammad Asadullah

    kanār-e-barg-e-tabassum laraztā qatra hai

    zamīñ kokh meñ laavā pighaltā rahtā hai

    sulag rahī haiñ dil-o-jāñ kā.enāteñ aur

    laboñ oT meñ sho.ala chhupā.e rakkhā hai

    habāb kisī saa.at meñ tujh se milne ko

    ka.ī yugoñ mujhe intizār karnā hai

    tire firāq meñ badle haiñ aise kaun-o-makāñ

    udaas raat meñ ik dopahar bhī zinda hai

    zabāñ pe shorish-e-harf-e-shikāyat-e-jānāñ

    ināyatoñ tah-e-dil meñ shor barpā hai

    ufuq ke baam bhī haiñ dam-ba-ḳhud tirī ḳhātir

    tirī talāsh meñ bikhrā huā ye sahrā hai

    ulajh rahī hai abas mauj-e-ḳhūn sāhil se

    har ek harf-e-tamannā sadā-ba-sahrā hai

    Dubo ke aa gayā maiñ apnī har sadā lekin

    mire vajūd meñ ye kis chīḳh zinda hai

    kanar-e-barg-e-tabassum larazta qatra hai

    zamin ki kokh mein lawa pighalta rahta hai

    sulag rahi hain dil-o-jaan ki kaenaten aur

    labon ki oT mein shoala chhupae rakkha hai

    habab si kisi saat mein tujh se milne ko

    kai yugon ka mujhe intizar karna hai

    tere firaq mein badle hain aise kaun-o-makan

    udas raat mein ek dopahar bhi zinda hai

    zaban pe shorish-e-harf-e-shikayat-e-jaanan

    inayaton ka tah-e-dil mein shor barpa hai

    ufuq ke baam bhi hain dam-ba-KHud teri KHatir

    teri talash mein bikhra hua ye sahra hai

    ulajh rahi hai abas mauj-e-KHun sahil se

    har ek harf-e-tamanna sada-ba-sahra hai

    Dubo ke aa gaya main apni har sada lekin

    mere wajud mein ye kis ki chiKH zinda hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY