kar diya KHud ko samundar ke hawale humne

kar diyā ḳhud ko samundar ke havāle ham ne

tab kahīñ gauhar-e-nāyāb nikāle ham ne

zindagī naam hai chalne kā to chalte hī rahe

ruk ke dekhe na kabhī paañv ke chhāle ham ne

jab se ham ho ga.e darvesh tire kūche ke

tab se toḌe nahīñ sone ke nivāle ham ne

terī chāhat sī nahīñ dekhī kisī kī chāhat

vaise dekhe haiñ bahut chāhne vaale ham ne

ham-safar tū jo rahā ham bhī ujāle meñ rahe

phir tire ba.ad kahāñ dekhe ujāle ham ne

ek bhī sher guhar ban ke na chamkā 'afzal'

kitne dariyā-e-ḳhayālāt khañgāle ham ne

kar diya KHud ko samundar ke hawale hum ne

tab kahin gauhar-e-nayab nikale hum ne

zindagi nam hai chalne ka to chalte hi rahe

ruk ke dekhe na kabhi panw ke chhaale hum ne

jab se hum ho gae darwesh tere kuche ke

tab se toDe nahin sone ke niwale hum ne

teri chahat si nahin dekhi kisi ki chahat

waise dekhe hain bahut chahne wale hum ne

ham-safar tu jo raha hum bhi ujale mein rahe

phir tere baad kahan dekhe ujale hum ne

ek bhi sher guhar ban ke na chamka 'afzal'

kitne dariya-e-KHayalat khangale hum ne