kar ke dushwar yun har ek qadam kahe ko

kar ke dushvār yuuñ har ek qadam kaahe ko

ham liye phirte rahe bār-e-hasham kaahe ko

ashk sab apnī ravānī meñ bahā le jaate

ḳhvāb ham dekhte bā-dīda-e-nam kaahe ko

ġham kī tāsīr meñ taḳhfīf kiyā karte haiñ

kar ke nādān tamāshā-e-alam kaahe ko

qaid ik ḳhaak ke putle meñ hai aur nāzāñ hai

is qadar ruuh kare ḳhud pe sitam kaahe ko

zo'm ḳhud par ho to is baat se ibrat liijo

nīst-o-nābūd huā bāġh-e-iram kaahe ko

ho ga.iiñ ab to añdheroñ se shanāsā āñkheñ

ab bhalā un pe ujāloñ kā karam kaahe ko

vo to patjhaḌ kā thā mausam use jaanā hī thā

kar diye saare shajar tum ne qalam kaahe ko

dauḌ ham jiit ga.e ab kaho kyā kahte ho

apnī auqāt meñ rahte nahīñ ham kaahe ko

kar ke dushwar yun har ek qadam kahe ko

hum liye phirte rahe bar-e-hasham kahe ko

ashk sab apni rawani mein baha le jate

KHwab hum dekhte ba-dida-e-nam kahe ko

gham ki tasir mein taKHfif kiya karte hain

kar ke nadan tamasha-e-alam kahe ko

qaid ek KHak ke putle mein hai aur nazan hai

is qadar ruh kare KHud pe sitam kahe ko

zo'm KHud par ho to is baat se ibrat lijo

nist-o-nabud hua bagh-e-iram kahe ko

ho gain ab to andheron se shanasa aankhen

ab bhala un pe ujalon ka karam kahe ko

wo to patjhaD ka tha mausam use jaana hi tha

kar diye sare shajar tum ne qalam kahe ko

dauD hum jit gae ab kaho kya kahte ho

apni auqat mein rahte nahin hum kahe ko