kar ke manzur faisla dil ka

kar ke manzūr faisla dil kā

ho gayā mujh ko tajraba dil kā

koī to paḌhtā mere chehre ko

koī to haal pūchhtā dil kā

maiñ zabāñ kā ḳharāb huuñ lekin

log kahne lage burā dil kā

āsmāñ tak dimāġh kī hai uḌaan

dil talak hī hai dā.era dil kā

jaane kaise bhaTak ga.e ho tum

vaise sīdhā thā rāsta dil kā

hai tabāhī meñ haath donoñ ke

ek terā hai dūsrā dil kā

'ishq kā khel tere bas kā nahīñ

tujh se hogā na haq adā dil kā

aaj lagtā hai choT gahrī hai

aaj lagtā hai dil dukhā dil kā

itnā sanjīda ho gayā 'sūfī'

pahle kitnā thā chulbulā dil kā

kar ke manzur faisla dil ka

ho gaya mujh ko tajraba dil ka

koi to paDhta mere chehre ko

koi to haal puchhta dil ka

main zaban ka KHarab hun lekin

log kahne lage bura dil ka

aasman tak dimagh ki hai uDan

dil talak hi hai daera dil ka

jaane kaise bhaTak gae ho tum

waise sidha tha rasta dil ka

hai tabahi mein hath donon ke

ek tera hai dusra dil ka

'ishq ka khel tere bas ka nahin

tujh se hoga na haq ada dil ka

aaj lagta hai choT gahri hai

aaj lagta hai dil dukha dil ka

itna sanjida ho gaya 'sufi'

pahle kitna tha chulbula dil ka