kar sair apne dil ki hai nur ka tamasha

kar sair apne dil kī hai nuur kā tamāshā

haañ dekh ban ke muusā is tuur kā tamāshā

nāzir vahī nazar bhī manzūr bhī vahī hai

nazzāre kā hai maz.har manzūr kā tamāshā

ye qurb buad kyā hai taqrīb-e-mā-sivā hai

hai tark-e-mā-sivā meñ ye duur kā tamāshā

sūrat kā shefta ho zāhir ho harf ma.anī

mansūr kī hai sūrat mansūr kā tamāshā

ta.amīr-e-vaqt meñ hai vīrānī-e-vasāvas

vīrāñ-kade meñ dekhā ma.amūr kā tamāshā

ḳhum-ḳhāna ishq kā hai pīr-e-muġhāñ kī sohbat

rindān-e-mast dekhā maḳhmūr kā tamāshā

arinī-o-lan-tarānī hai sirr-e-ishq 'sāqī'

rāz-o-niyāz meñ hai mastūr kā tamāshā

kar sair apne dil ki hai nur ka tamasha

han dekh ban ke musa is tur ka tamasha

nazir wahi nazar bhi manzur bhi wahi hai

nazzare ka hai mazhar manzur ka tamasha

ye qurb buad kya hai taqrib-e-ma-siwa hai

hai tark-e-ma-siwa mein ye dur ka tamasha

surat ka shefta ho zahir ho harf mani

mansur ki hai surat mansur ka tamasha

tamir-e-waqt mein hai virani-e-wasawas

viran-kade mein dekha mamur ka tamasha

KHum-KHana ishq ka hai pir-e-mughan ki sohbat

rindan-e-mast dekha maKHmur ka tamasha

arini-o-lan-tarani hai sirr-e-ishq 'saqi'

raaz-o-niyaz mein hai mastur ka tamasha