kar sake kya aql mere gham ke jaane ka ilaj

kar sake kyā aql mere ġham ke jaane kā ilaaj

kaam kab aatā hai dīvānoñ ko syāne kā ilaaj

rañg-e-gul kī aag par dāman na maar ai bād-e-sub.h

kyā kareñgī bulbuleñ phir āshiyāne kā ilaaj

haq ko kab pahuñche na bāñdhe jab tak un zulfoñ se dil

kyuuñ ki ho zanjīr bin aise dīvāne kā ilaaj

gar tahārat chāhtā hai tū ḳhudā ke vāste

kaaT sar lohū se apne kar nahāne kā ilaaj

shīsha-e-dil ke ta.iiñ apne sambhāle rakh 'yaqīñ'

phir karegā kaun is ke TuuT jaane kā ilaaj

kar sake kya aql mere gham ke jaane ka ilaj

kaam kab aata hai diwanon ko syane ka ilaj

rang-e-gul ki aag par daman na mar ai baad-e-subh

kya karengi bulbulen phir aashiyane ka ilaj

haq ko kab pahunche na bandhe jab tak un zulfon se dil

kyun ki ho zanjir bin aise diwane ka ilaj

gar tahaarat chahta hai tu KHuda ke waste

kaT sar lohu se apne kar nahane ka ilaj

shisha-e-dil ke tain apne sambhaale rakh 'yaqin'

phir karega kaun is ke TuT jaane ka ilaj