karb ki miTTi dard ke pani se ek rasta nikla tha

karb kī miTTī dard ke paanī se ik rasta niklā thā

uupar uupar ret bichhī thī nīche nīche dariyā thā

Thes lagī thī dard huā thā TuuT gayā thā pal bhar meñ

ham ne jis ko dil samjhā mā'lūm huā ki shīsha thā

bhīge bhīge sannāToñ meñ khoyā khoyā sā ik ḳhvāb

sahmī sahmī ḳhāmoshī meñ ḳhauf-zada sā tanhā thā

rāz-e-shikast-o-fat.h meñ haa.il the ādāb-e-sūd-o-ziyāñ

jiit ga.e to duniyā thī aur haar ga.e to saaya thā

apnī gul-tahzīb judā thī apne ḳhār-ādāb judā

phūloñ se dildārī thī to kāñToñ se bhī rishta thā

maazī kī betāb ragoñ meñ dauḌ rahā thā jaane kyā

biitī raat ke ā.īnoñ meñ sab kuchh dhuñdlā dhuñdlā thā

karb ki miTTi dard ke pani se ek rasta nikla tha

upar upar ret bichhi thi niche niche dariya tha

Thes lagi thi dard hua tha TuT gaya tha pal bhar mein

hum ne jis ko dil samjha ma'lum hua ki shisha tha

bhige bhige sannaTon mein khoya khoya sa ek KHwab

sahmi sahmi KHamoshi mein KHauf-zada sa tanha tha

raaz-e-shikast-o-fath mein hail the aadab-e-sud-o-ziyan

jit gae to duniya thi aur haar gae to saya tha

apni gul-tahzib juda thi apne KHar-adab juda

phulon se dildari thi to kanTon se bhi rishta tha

mazi ki betab ragon mein dauD raha tha jaane kya

biti raat ke aainon mein sab kuchh dhundla dhundla tha