karega yaad hamein dur hum agar jaen

karegā yaad hameñ duur ham agar jaa.eñ

is ishtiyāq meñ jī chāhtā hai mar jaa.eñ

ye kah rahā thā hameñ Dūbtā huā sūraj

safar tamām huā apne apne ghar jaa.eñ

tulūa-e-shams kī kirnoñ ne ye payām diyā

ujāle bāñTte jaa.eñ jidhar jaa.eñ

dikhāte haiñ jo hameñ aa.ina kabhī us meñ

ḳhud apne aks ko dekheñ to aap Dar jaa.eñ

na paar lagne kī hasrat na Duub jaane kā ġham

ḳhayāl-e-yār ke dariyā meñ jab utar jaa.eñ

ye ghaav hī to mirī zindagī haiñ mere tabīb

ḳhayāl rakh ye mire zaḳhm hī na bhar jaa.eñ

karega yaad hamein dur hum agar jaen

is ishtiyaq mein ji chahta hai mar jaen

ye kah raha tha hamein Dubta hua suraj

safar tamam hua apne apne ghar jaen

tulua-e-shams ki kirnon ne ye payam diya

ujale banTte jaen jidhar jaen

dikhate hain jo hamein aaina kabhi us mein

KHud apne aks ko dekhen to aap Dar jaen

na par lagne ki hasrat na Dub jaane ka gham

KHayal-e-yar ke dariya mein jab utar jaen

ye ghaw hi to meri zindagi hain mere tabib

KHayal rakh ye mere zaKHm hi na bhar jaen