karna hai to kisi dam taza tabiat kar jae

karnā hai to kisī dam taaza tabī'at kar jaa.e

koī ḳhushbū kahīñ se aa.e saḳhāvat kar jaa.e

vaqt ke haath ko vo lamha mayassar hī nahīñ

jo mire bigḌe hue dil ko nasīhat kar jaa.e

sirf ummīd pe qaa.em hai yahāñ ye duniyā

'ain mumkin hai ki phir koī mohabbat kar jaa.e

maut Tal jā.egī kuchh der ḳhushī ke maare

merā bīmār agar merī 'ayādat kar jaa.e

ab kisī ḳhvāb kā qaa.il nahīñ huuñ maiñ 'āzar'

jo mirī aañkh meñ baiThā ho vo hijrat kar jaa.e

karna hai to kisi dam taza tabi'at kar jae

koi KHushbu kahin se aae saKHawat kar jae

waqt ke hath ko wo lamha mayassar hi nahin

jo mere bigDe hue dil ko nasihat kar jae

sirf ummid pe qaem hai yahan ye duniya

'ain mumkin hai ki phir koi mohabbat kar jae

maut Tal jaegi kuchh der KHushi ke mare

mera bimar agar meri 'ayaadat kar jae

ab kisi KHwab ka qail nahin hun main 'azar'

jo meri aankh mein baiTha ho wo hijrat kar jae