karni nahin hai duniya mein ek dushmani mujhe
karnī nahīñ hai duniyā meñ ik dushmanī mujhe
kahte haiñ saare log kabhī aadmī mujhe
jaatī hai gar to jaa.eñ ye duniyā kī daulateñ
bas raam aa.ī hai to faqat sādgī mujhe
nazreñ jhukā.e baiThe rahe vo bhī sharm se
rātoñ ko phir satātī rahī an-kahī mujhe
saare charāġh chhoḌ ke manzil pe baḌh chalā
rasta dikhā rahī hai abhī tīrgī mujhe
zinda bachā to maut ko jaanā qarīb se
kyā kyā hunar sikhā.e merī zindagī mujhe
marne chalā to mai-kada rāste meñ mil gayā
marne se phir bachātī rahī mai-kashī mujhe
ġhairoñ ko chaah kar ke bhī apnā nahīñ kiyā
apnoñ se hī milī thī ye begānagī mujhe
karni nahin hai duniya mein ek dushmani mujhe
kahte hain sare log kabhi aadmi mujhe
jati hai gar to jaen ye duniya ki daulaten
bas ram aai hai to faqat sadgi mujhe
nazren jhukae baiThe rahe wo bhi sharm se
raaton ko phir satati rahi an-kahi mujhe
sare charagh chhoD ke manzil pe baDh chala
rasta dikha rahi hai abhi tirgi mujhe
zinda bacha to maut ko jaana qarib se
kya kya hunar sikhae meri zindagi mujhe
marne chala to mai-kada raste mein mil gaya
marne se phir bachati rahi mai-kashi mujhe
ghairon ko chah kar ke bhi apna nahin kiya
apnon se hi mili thi ye beganagi mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
