karo na der jahan mein jahan se aage chalo

karo na der jahāñ meñ jahāñ se aage chalo

yahāñ gumān-e-ḳhatar hai qadam baḌhā.e chalo

yahāñ fareb-e-nsheb-o-farāz aksar hai

ḳhudā ke vāste itnā na muñh uThā.e chalo

shikasta-pā huuñ kahīñ saath se na rah jā.ūñ

mujhe bhī haath zarā dosto lagā.e chalo

abhī to husn-e-amal kā zamāna baaqī hai

vahāñ kī bigḌī huī kuchh yahīñ banā.e chalo

idhar-udhar kahīñ bhar kar tarāra jā na paḌe

samand-e-umr-e-ravāñ ko zarā dabā.e chalo

adam meñ tarsoge dard-e-jigar ko ai 'taslīm'

jo ho sake koī siine pe tiir khaa.e chalo

karo na der jahan mein jahan se aage chalo

yahan guman-e-KHatar hai qadam baDhae chalo

yahan fareb-e-nsheb-o-faraaz aksar hai

KHuda ke waste itna na munh uThae chalo

shikasta-pa hun kahin sath se na rah jaun

mujhe bhi hath zara dosto lagae chalo

abhi to husn-e-amal ka zamana baqi hai

wahan ki bigDi hui kuchh yahin banae chalo

idhar-udhar kahin bhar kar tarara ja na paDe

samand-e-umr-e-rawan ko zara dabae chalo

adam mein tarsoge dard-e-jigar ko ai 'taslim'

jo ho sake koi sine pe tir khae chalo