karta hai bekar ki baaten kaam ki koi baat nahin

kartā hai bekār kī bāteñ kaam kī koī baat nahīñ

ġhairoñ jaisī baat hai terī apnoñ jaisī baat nahīñ

jaam sabhī ke hāthoñ meñ hai haath hamāre ḳhālī haiñ

khullam-khullā nā-insāfī saaqī achchhī baat nahīñ

mahfil meñ jis ko bhī dekho rūThā rūThā lagtā hai

kaḌvāhaT hai āvāzoñ meñ koī mīThī baat nahīñ

kalima terā sapnā terā fikr tirī aur terā ḳhayāl

sirf tirī hī baat zabāñ par aur kisī kī baat nahīñ

kahne ko to kah dī tū ne apne dil kī saarī baat

sachchā.ī hai lekin ye ki ye bhī saarī baat nahīñ

kaise mileñ ham tum se yaaro kaise bulā.eñ ghar apne

ġham hī ġham haiñ paas hamāre koī ḳhushī kī baat nahīñ

nā-insāfī har jānib hai har sū zulmat hī zulmat

dekh ke ye sab kyuuñ sab chup haiñ kahte haq kī baat nahīñ

pahle kyā kyā kuchh kah Daalā phir ye kah kar saaf ga.e

kar Daalī hai bhuul zabāñ ne sochī-samjhī baat nahīñ

tere liye hī jiitā huuñ aur tere liye hī martā huuñ

muñh dekhī 'jāved' haiñ bāteñ dil se niklī baat nahīñ

karta hai bekar ki baaten kaam ki koi baat nahin

ghairon jaisi baat hai teri apnon jaisi baat nahin

jam sabhi ke hathon mein hai hath hamare KHali hain

khullam-khulla na-insafi saqi achchhi baat nahin

mahfil mein jis ko bhi dekho ruTha ruTha lagta hai

kaDwahaT hai aawazon mein koi miThi baat nahin

kalima tera sapna tera fikr teri aur tera KHayal

sirf teri hi baat zaban par aur kisi ki baat nahin

kahne ko to kah di tu ne apne dil ki sari baat

sachchai hai lekin ye ki ye bhi sari baat nahin

kaise milen hum tum se yaro kaise bulaen ghar apne

gham hi gham hain pas hamare koi KHushi ki baat nahin

na-insafi har jaanib hai har su zulmat hi zulmat

dekh ke ye sab kyun sab chup hain kahte haq ki baat nahin

pahle kya kya kuchh kah Dala phir ye kah kar saf gae

kar Dali hai bhul zaban ne sochi-samjhi baat nahin

tere liye hi jita hun aur tere liye hi marta hun

munh dekhi 'jawed' hain baaten dil se nikli baat nahin