karte hain wahi log jahan taza-tar aabaad

karte haiñ vahī log jahāñ tāza-tar ābād

har daur meñ rakhte haiñ jo siina sharer-ābād

pur-shor gulistāñ haiñ na ab dasht-o-dar ābād

kyā jaane kahāñ ho ga.e ahl-e-nazar ābād

Thahrāv kisī shai ke muqaddar meñ nahīñ hai

duniyā hai vo jaada jise kahiye safar-ābād

ḳhvāboñ ke sanam-ḳhāne salāmat haiñ to yūñhī

fitnoñ se rahegā ḳham-e-zulf-o-kamar ābād

hamsā.egī-o-rabt kī ḳhushbū bhī kahīñ hai

kartī haiñ bahāreñ to nagar par nagar ābād

naġhmoñ se jahāñ raushnī-e-dard thī kal tak

sannāTe se hai aaj vo shāḳh-e-shajar ābād

'kausar' hai suḳhan-tāb mirā shahr-e-taḳhayyul

is shahr meñ haiñ aaj bhī ā.īna-gar ābād

karte hain wahi log jahan taza-tar aabaad

har daur mein rakhte hain jo sina sharer-abaad

pur-shor gulistan hain na ab dasht-o-dar aabaad

kya jaane kahan ho gae ahl-e-nazar aabaad

Thahraw kisi shai ke muqaddar mein nahin hai

duniya hai wo jada jise kahiye safar-abaad

KHwabon ke sanam-KHane salamat hain to yunhi

fitnon se rahega KHam-e-zulf-o-kamar aabaad

hamsaegi-o-rabt ki KHushbu bhi kahin hai

karti hain bahaaren to nagar par nagar aabaad

naghmon se jahan raushni-e-dard thi kal tak

sannaTe se hai aaj wo shaKH-e-shajar aabaad

'kausar' hai suKHan-tab mera shahr-e-taKHayyul

is shahr mein hain aaj bhi aaina-gar aabaad