aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

karte karte imtizaj-e-kaba-o-but-KHana hum

Ehsan Danish

karte karte imtizaj-e-kaba-o-but-KHana hum

Ehsan Danish

MORE BYEhsan Danish

    karte karte imtizāj-e-ka.aba-o-but-ḳhāna ham

    us jagah pahuñche ki ho kar rah ga.e dīvāna ham

    saañs le sakte nahīñ afsos āzādāna ham

    jaane kab se haiñ asīr-e-ka.aba-o-but-ḳhāna ham

    vo mohabbat nahīñ jis meñ na hoñ shikve-gile

    ik kahānī tum sunā.e jaao ik afsāna ham

    der-pā niklī na fānūs-e-ḳhirad raushnī

    baḌh ga.ī vahshat bil-āḳhir ho ga.e dīvāna ham

    har do-jānib ehtiyāt achchhī hai jab tak ho sake

    yuuñ to maiñ āgāh sab tum sham.a ho parvāna ham

    ab haqīqat kyā kaheñ kis se kaheñ kyuuñ kar kaheñ

    kuchh to dekhā hai ki jis se ho ga.e dīvāna ham

    dāman-e-dil shabnam-o-gul se pakaḌ letā hai aag

    ḳhilqatan ham haiñ javāb-e-fitrat-e-parvāna ham

    pāsbāñ mafhūm-o-ma.anī ko bayāñ karte raheñ

    sunñe vaale sun chuke haiñ kah chuke afsāne ham

    aa chukā hogā sar-e-tūr-e-vafā muusā ko hosh

    ab tujhe taklīf deñge jalva-e-jānāna ham

    jīte-jī anjuman hai jīte-jī soz-o-sāz

    ho ga.iiñ jis vaqt band āñkheñ na phir duniyā na ham

    ham jo miT jaa.eñ to farq-e-dair-o-ka.aba bhī miTe

    ek parda haiñ miyān-e-ka.aba-e-but-ḳhāna ham

    iltijā iltijā baaqī hai shikva ho chuke

    ab mohabbat tum se karte haiñ parastārāna ham

    jab vo karte haiñ mohabbat par musalsal guftugū

    aisā kuchh mahsūs hotā hai ki haiñ begāna ham

    karte karte imtizaj-e-kaba-o-but-KHana hum

    us jagah pahunche ki ho kar rah gae diwana hum

    sans le sakte nahin afsos aazadana hum

    jaane kab se hain asir-e-kaba-o-but-KHana hum

    wo mohabbat hi nahin jis mein na hon shikwe-gile

    ek kahani tum sunae jao ek afsana hum

    der-pa nikli na fanus-e-KHirad ki raushni

    baDh gai wahshat bil-aKHir ho gae diwana hum

    har do-jaanib ehtiyat achchhi hai jab tak ho sake

    yun to main aagah sab tum shama ho parwana hum

    ab haqiqat kya kahen kis se kahen kyun kar kahen

    kuchh to dekha hai ki jis se ho gae diwana hum

    daman-e-dil shabnam-o-gul se pakaD leta hai aag

    KHilqatan hum hain jawab-e-fitrat-e-parwana hum

    pasban mafhum-o-mani ko bayan karte rahen

    sunne wale sun chuke hain kah chuke afsane hum

    aa chuka hoga sar-e-tur-e-wafa musa ko hosh

    ab tujhe taklif denge jalwa-e-jaanana hum

    jite-ji ki anjuman hai jite-ji ka soz-o-saz

    ho gain jis waqt band aankhen na phir duniya na hum

    hum jo miT jaen to farq-e-dair-o-kaba bhi miTe

    ek parda hain miyan-e-kaba-e-but-KHana hum

    iltija hi iltija baqi hai shikwa ho chuke

    ab mohabbat tum se karte hain parastarana hum

    jab wo karte hain mohabbat par musalsal guftugu

    aisa kuchh mahsus hota hai ki hain begana hum

    Source:

    Ghazaliyat-e-ahsaan Danish (Pg. 146)

    • Author: Shabnam Parveen
      • Edition: 2006
      • Publisher: Asghar Publishers
      • Year of Publication: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now