kasrat se daaġh haiñ jo ġham-e-ishq-e-ḳhāl meñ
til bhar jagah nahīñ hai dil-e-pur-malāl meñ
ifshā-e-rāz-e-ishq jo ashkoñ ne kar diyā
Duubā huā hai dil araq-e-infi.āl meñ
rahtī nahīñ hai zulf-e-pareshāñ banāv se
bikhrī hai is liye ki phañse koī jaal meñ
ai jaan dil ke gor-e-ġharībāñ meñ aa.iye
sab ārzūeñ dafn haiñ gard-e-malāl meñ
dil ko jo yād-e-jalva-e-āriz hai dam-ba-dam
raushan hai sham-e-husn makān-e-ḳhayāl meñ
kyā dil dukhāoge jo maza dard kā nahīñ
dam bhar to baiTho aa ke dil-e-pur-malāl meñ
ham ko hujūm-e-ġham bhī ġhanīmat huā 'nazar'
sab aib dil ke chhup ga.e gard-e-malāl meñ
kasrat se dagh hain jo gham-e-ishq-e-KHal mein
til bhar jagah nahin hai dil-e-pur-malal mein
ifsha-e-raaz-e-ishq jo ashkon ne kar diya
Duba hua hai dil araq-e-infial mein
rahti nahin hai zulf-e-pareshan banaw se
bikhri hai is liye ki phanse koi jal mein
ai jaan dil ke gor-e-ghariban mein aaiye
sab aarzuen dafn hain gard-e-malal mein
dil ko jo yaad-e-jalwa-e-ariz hai dam-ba-dam
raushan hai sham-e-husn makan-e-KHayal mein
kya dil dukhaoge jo maza dard ka nahin
dam bhar to baiTho aa ke dil-e-pur-malal mein
hum ko hujum-e-gham bhi ghanimat hua 'nazar'
sab aib dil ke chhup gae gard-e-malal mein
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.