kaun aaKHir kah raha hai sari duniya chahiye

kaun āḳhir kah rahā hai saarī duniyā chāhiye

jo hameñ apnā samajhtā ho vo apnā chāhiye

sar chhupāne ke liye thoḌā sā saaya chāhiye

in parindoñ ko ilāhī āshiyāna chāhiye

zabt kā dāman na chhūTe zarf kahtā hai magar

un ko hoñToñ par mire 'arz-e-tamannā chāhiye

phir ubhārā phan yahāñ fir’auniyat ke naag ne

vaqt ko phir se 'asā-e-dast-e-mūsā chāhiye

jin ko kam miltā hai duniyā meñ vo kam se mutma.in

ahl-e-sarvat ko ziyāda se ziyāda chāhiye

beTiyoñ ke dam se qaa.em hai vujūd-e-kā.enāt

phir bhī kuchh logoñ ko 'hasrat' sirf beTā chāhiye

kaun aaKHir kah raha hai sari duniya chahiye

jo hamein apna samajhta ho wo apna chahiye

sar chhupane ke liye thoDa sa saya chahiye

in parindon ko ilahi aashiyana chahiye

zabt ka daman na chhuTe zarf kahta hai magar

un ko honTon par mere 'arz-e-tamanna chahiye

phir ubhaara phan yahan fir’auniyat ke nag ne

waqt ko phir se 'asa-e-dast-e-musa chahiye

jin ko kam milta hai duniya mein wo kam se mutmain

ahl-e-sarwat ko ziyaada se ziyaada chahiye

beTiyon ke dam se qaem hai wujud-e-kaenat

phir bhi kuchh logon ko 'hasrat' sirf beTa chahiye