aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kaun dekhega bhala isMein hai ruswai kya

Jurat Qalandar Bakhsh

kaun dekhega bhala isMein hai ruswai kya

Jurat Qalandar Bakhsh

MORE BYJurat Qalandar Bakhsh

    kaun dekhegā bhalā is meñ hai rusvā.ī kyā

    ḳhvāb meñ aane bhī tum ne qasam khaa.ī kyā

    us ghar chhoḌ ke ham to na kisī dar pe ga.e

    par samajhtā hai use vo but-e-harjā.ī kyā

    sunte jis ke huī jaan havā tan se mire

    is galī se ye ḳhabar bād-e-sabā laa.ī kyā

    vaah maiñ aur na aane ko kahūñgā tauba

    maiñ to hairāñ huuñ ye baat aap ne farmā.ī kyā

    bah chalā chashm se yakbār jo ik dariyā

    baiThe baiThe mujhe kyā jaane ye lahr aa.ī kyā

    harf-e-matlab ko mire sun ke ba-sad-nāz kahā

    ham samajhte nahīñ baktā hai to saudā.ī kyā

    shaiḳh-jī ham to haiñ nādāñ par use aane do

    ham bhī pūchheñge huī aap dānā.ī kyā

    kaifiyat mahfil-e-ḳhūbāñ na us bin pūchho

    us ko dekhūñ na to phir de mujhe dikhlā.ī kyā

    aaj dam apnā Thahartā nahīñ kyā jāniye aah

    maslahat logoñ ne vaañ baiTh ke Thahrā.ī kyā

    bar meñ vo shoḳh thā aur sair-e-shab-e-māh thī raat

    apne ghar kyā kaheñ thī anjuman-ārā.ī kyā

    par gayā sub.h se vo ghar to yahī dhaḌkā hai

    dekheñ aaj us evaz le shab-e-tanhā.ī kyā

    dekhne jo karūñ us ke maiñ da.avā 'jur.at'

    mujh meñ jur.at ye kahāñ aur mirī bīnā.ī kyā

    kaun dekhega bhala is mein hai ruswai kya

    KHwab mein aane ki bhi tum ne qasam khai kya

    us ka ghar chhoD ke hum to na kisi dar pe gae

    par samajhta hai use wo but-e-harjai kya

    sunte hi jis ke hui jaan hawa tan se mere

    is gali se ye KHabar baad-e-saba lai kya

    wah main aur na aane ko kahunga tauba

    main to hairan hun ye baat aap ne farmai kya

    bah chala chashm se yakbar jo ek dariya sa

    baiThe baiThe mujhe kya jaane ye lahr aai kya

    harf-e-matlab ko mere sun ke ba-sad-naz kaha

    hum samajhte nahin bakta hai to saudai kya

    shaiKH-ji hum to hain nadan par use aane do

    hum bhi puchhenge hui aap ki danai kya

    kaifiyat mahfil-e-KHuban ki na us bin puchho

    us ko dekhun na to phir de mujhe dikhlai kya

    aaj dam apna Thaharta nahin kya jaaniye aah

    maslahat logon ne wan baiTh ke Thahrai kya

    bar mein wo shoKH tha aur sair-e-shab-e-mah thi raat

    apne ghar kya kahen thi anjuman-arai kya

    par gaya subh se wo ghar to yahi dhaDka hai

    dekhen aaj us ka ewaz le shab-e-tanhai kya

    dekhne ka jo karun us ke main dawa 'jurat'

    mujh mein jurat ye kahan aur meri binai kya

    Source:

    Kulliyat-e-Jura t áVolume-01 â (Pg. page-111- and e-book-151)

    • Author: Jurat Qalandar Bakhsh
      • Edition: 1968
      • Publisher: Majlis-e-Taraqqi-e-Adab, Lahore
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now