kaun hai dard-ashna sang-dili ka daur hai

kaun hai dard-āshnā sañg-dilī kā daur hai

dil kā diyā bachā.iye aaj havā kuchh aur hai

saare jahāñ kī shām-e-ġham sub.h-e-bahār ban ga.ī

merī sahar kā mas.ala aaj bhī zer-e-ġhaur hai

nashsha-e-dard kho gayā sāqi-e-dard so gayā

mahfil-e-dil meñ jaa.eñ kyā tishna-labī kā daur hai

ḳhūn-e-jigar se umr bhar qarz-e-hayāt adā kiyā

phir bhī yahī sunā kiye roz-e-hisāb aur hai

dair o haram ke darmiyāñ DhūñDiye kyuuñ 'shamīm' ko

abr o shafaq ko dekhiye merā ḳhayāl aur hai

kaun hai dard-ashna sang-dili ka daur hai

dil ka diya bachaiye aaj hawa kuchh aur hai

sare jahan ki sham-e-gham subh-e-bahaar ban gai

meri sahar ka masala aaj bhi zer-e-ghaur hai

nashsha-e-dard kho gaya saqi-e-dard so gaya

mahfil-e-dil mein jaen kya tishna-labi ka daur hai

KHun-e-jigar se umr bhar qarz-e-hayat ada kiya

phir bhi yahi suna kiye roz-e-hisab aur hai

dair o haram ke darmiyan DhunDiye kyun 'shamim' ko

abr o shafaq ko dekhiye mera KHayal aur hai