kaun hai mera KHaridar nahin dekhta main

kaun hai merā ḳharīdār nahīñ dekhtā maiñ

dhuup meñ sāya-e-dīvār nahīñ dekhtā maiñ

ḳhvāb palkoñ pe chale aate haiñ aañsū ban kar

is liye tujh ko lagātār nahīñ dekhtā maiñ

terā is baar mujhe dekhnā bantā hai dost

itnī ummīd se har baar nahīñ dekhtā maiñ

kab talak tujh ko yūñhī dekhte rahnā hogā

zindagī jā tujhe is baar nahīñ dekhtā maiñ

vo koī aur haiñ jo hasb-o-nasab dekhte haiñ

maiñ mohabbat huuñ mire yaar nahīñ dekhtā maiñ

haa.e vo log jo bas dekhte rahte haiñ mujhe

jin kī jānib kabhī ik baar nahīñ dekhtā maiñ

ġhaar se niklī huī raushnī pursa to kar

aa mujhe dekh huuñ bīmār nahīñ dekhtā maiñ

kaun hai mera KHaridar nahin dekhta main

dhup mein saya-e-diwar nahin dekhta main

KHwab palkon pe chale aate hain aansu ban kar

is liye tujh ko lagatar nahin dekhta main

tera is bar mujhe dekhna banta hai dost

itni ummid se har bar nahin dekhta main

kab talak tujh ko yunhi dekhte rahna hoga

zindagi ja tujhe is bar nahin dekhta main

wo koi aur hain jo hasb-o-nasab dekhte hain

main mohabbat hun mere yar nahin dekhta main

hae wo log jo bas dekhte rahte hain mujhe

jin ki jaanib kabhi ek bar nahin dekhta main

ghaar se nikli hui raushni pursa to kar

aa mujhe dekh hun bimar nahin dekhta main