kaun hai nek kaun bad hai yahan
kaun hai nek kaun bad hai yahāñ
kis ke hāthoñ meñ ye sanad hai yahāñ
khulte jaate haiñ kā.enāt ke bhed
jo azal hai vahī abad hai yahāñ
jo nazar aa.e vo haqīqat hai
jo kahā jaa.e mustanad hai yahāñ
kitnī muddat se dekhtā huuñ maiñ
ik tamāshā-e-ḳhāl-o-ḳhad hai yahāñ
jo kisī taur jal nahīñ paa.e
un charāġhoñ kī koī had hai yahāñ
apnī pahchān ke liye 'zulfī'
kyā shumār aur kyā adad hai yahāñ
kaun hai nek kaun bad hai yahan
kis ke hathon mein ye sanad hai yahan
khulte jate hain kaenat ke bhed
jo azal hai wahi abad hai yahan
jo nazar aae wo haqiqat hai
jo kaha jae mustanad hai yahan
kitni muddat se dekhta hun main
ek tamasha-e-KHal-o-KHad hai yahan
jo kisi taur jal nahin pae
un charaghon ki koi had hai yahan
apni pahchan ke liye 'zulfi'
kya shumar aur kya adad hai yahan
Source:
Funoon (Monthly) (Pg. 241)
- Author: Ahmad Nadeem Qasmi
-
- Edition: 25Edition Nov. Dec. 1986
- Publisher: 4 Maklood Road, Lahore
- Year of Publication: 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
