kaun kahta hai gham musibat hai
kaun kahtā hai ġham musībat hai
ye bhī maulā kī ḳhaas rahmat hai
log kyuuñ zindagī pe marte haiñ
mere haq meñ to ye qayāmat hai
hīla-jūī hai us kī rahmat kī
kab ibādat koī ibādat hai
shukr ne.amat kā jab nahīñ kartā
kyuuñ musībat kī phir shikāyat hai
mujh se bad-tar bahut haiñ aalam meñ
qābil-e-rashk merī hālat hai
qalb-e-momin na ġham se ghabrā.e
sunte haiñ ba.ad-e-rañj rāhat hai
mujh se hotī nahīñ ġhazal 'nādir'
is qadar muzmahil tabī.at hai
kaun kahta hai gham musibat hai
ye bhi maula ki KHas rahmat hai
log kyun zindagi pe marte hain
mere haq mein to ye qayamat hai
hila-jui hai us ki rahmat ki
kab ibaadat koi ibaadat hai
shukr neamat ka jab nahin karta
kyun musibat ki phir shikayat hai
mujh se bad-tar bahut hain aalam mein
qabil-e-rashk meri haalat hai
qalb-e-momin na gham se ghabrae
sunte hain baad-e-ranj rahat hai
mujh se hoti nahin ghazal 'nadir'
is qadar muzmahil tabiat hai
Source:
Deewan-e-Nadir (Pg. 282)
- Author: Abul Khayal Nadir Shahjahanpuri
-
- Edition: 2015
- Publisher: Jasper Paul John Robert paul memorial Society Jhansi U.P
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
