kaun kahta hai Khaar hain hum log

kaun kahtā hai ḳhaar haiñ ham log

gulsitāñ kī bahār haiñ ham log

ḳhāksārī hamārā sheva hai

asl meñ tājdār haiñ ham log

ham ko hathiyār kī zarūrat kyā

jab mohabbat-shi.ār haiñ ham log

taḳht vaale to ho ga.e ma.azūl

barsar-e-eqtidār haiñ ham log

sā.iloñ kī duā.eñ lete haiñ

kis qadar māl-dār haiñ ham log

hāl-o-māzī hamāre haiñ shāhid

qābil-e-e'tibār haiñ ham log

ham ko duniyā aziiz lagtī hai

naam ke dīn-dār haiñ ham log

kaun haiñ jo hameñ 'azīz' nahīñ

dushmanoñ ke bhī yaar haiñ ham log

kaun kahta hai KHar hain hum log

gulsitan ki bahaar hain hum log

KHaksari hamara shewa hai

asl mein tajdar hain hum log

hum ko hathiyar ki zarurat kya

jab mohabbat-shiar hain hum log

taKHt wale to ho gae mazul

barsar-e-eqtidar hain hum log

sailon ki duaen lete hain

kis qadar mal-dar hain hum log

haal-o-mazi hamare hain shahid

qabil-e-e'tibar hain hum log

hum ko duniya aziz lagti hai

nam ke din-dar hain hum log

kaun hain jo hamein 'aziz' nahin

dushmanon ke bhi yar hain hum log