kaun kahta hai tum ada na karo

Peer Sher Mohammad Ajiz

kaun kahta hai tum ada na karo

Peer Sher Mohammad Ajiz

MORE BYPeer Sher Mohammad Ajiz

    kaun kahtā hai tum adā na karo

    par vafā jagah jafā na karo

    sarv kaT jā.eñge pisegī hinā

    is tarah baaġh meñ phirā na karo

    hañs rahe haiñ abhī ḳhushī meñ vo

    mere rone tazkira na karo

    zaḳhm-e-dil par na ho namak-pāshī

    is maze se to āshnā na karo

    hai qayāmat tumhārī aTkhelī

    hashr ai jān-e-man bapā na karo

    ḳhirman-e-dil pe barq girtī hai

    mere rone pe tum hinsā na karo

    ne.amat-e-ishq hai ye dāġh-e-jigar

    shukr-e-haq ke sivā gilā na karo

    hai shab-e-vasl be-takalluf ho

    shoḳhiyāñ kahtī haiñ hayā na karo

    huuñ giraftār-e-ulfat-e-gesū

    mujh ko bahr-e-ḳhudā rihā na karo

    shauq kahtā hai ḳhud chale jaao

    minnat-e-nāma-bar kiyā na karo

    dil lagānā burā hai ai 'ājiz'

    chup raho us tazkira na karo

    kaun kahta hai tum ada na karo

    par wafa ki jagah jafa na karo

    sarw kaT jaenge pisegi hina

    is tarah bagh mein phira na karo

    hans rahe hain abhi KHushi mein wo

    mere rone ka tazkira na karo

    zaKHm-e-dil par na ho namak-pashi

    is maze se to aashna na karo

    hai qayamat tumhaari aTkheli

    hashr ai jaan-e-man bapa na karo

    KHirman-e-dil pe barq girti hai

    mere rone pe tum hinsa na karo

    neamat-e-ishq hai ye dagh-e-jigar

    shukr-e-haq ke siwa gila na karo

    hai shab-e-wasl be-takalluf ho

    shoKHiyan kahti hain haya na karo

    hun giraftar-e-ulfat-e-gesu

    mujh ko bahr-e-KHuda riha na karo

    shauq kahta hai KHud chale jao

    minnat-e-nama-bar kiya na karo

    dil lagana bura hai ai 'ajiz'

    chup raho us ka tazkira na karo

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY