kaun sa wo zaKHm-e-dil tha jo tar-o-taza na tha

kaun sā vo zaḳhm-e-dil thā jo tar-o-tāza na thā

zindagī meñ itne ġham the jin kā andāza na thā

ham nikal sakte bhī to kyuuñ kar hisār-e-zāt se

sirf dīvāreñ hī dīvāreñ thiiñ darvāza na thā

us kī āñkhoñ se numāyāñ thī mohabbat kī chamak

us ke chehre par na.ī tahzīb kā ġhāza na thā

itnī shiddat se kabhī aayā na thā us kā ḳhayāl

zaḳhm-e-dil pahle kabhī itnā tar-o-tāza na thā

us kī har ik soch meñ hai ik musalsal intishār

is tarah bikhrā huā is dil kā shīrāza na thā

duur kar degā zamāne se mujhe merā ḳhulūs

mujh ko apnī is salāhiyat kā andāza na thā

'arsh' un kī jhiil sī āñkhoñ kā us meñ kyā qusūr

Dūbne vāloñ ko gahrā.ī kā andāza na thā

kaun sa wo zaKHm-e-dil tha jo tar-o-taza na tha

zindagi mein itne gham the jin ka andaza na tha

hum nikal sakte bhi to kyun kar hisar-e-zat se

sirf diwaren hi diwaren thin darwaza na tha

us ki aankhon se numayan thi mohabbat ki chamak

us ke chehre par nai tahzib ka ghaza na tha

itni shiddat se kabhi aaya na tha us ka KHayal

zaKHm-e-dil pahle kabhi itna tar-o-taza na tha

us ki har ek soch mein hai ek musalsal intishaar

is tarah bikhra hua is dil ka shiraaza na tha

dur kar dega zamane se mujhe mera KHulus

mujh ko apni is salahiyat ka andaza na tha

'arsh' un ki jhil si aankhon ka us mein kya qusur

Dubne walon ko gahrai ka andaza na tha