kaun si shai mein tera nur nahin

kaun sī shai meñ tirā nuur nahīñ

kis jagah par tirā zuhūr nahīñ

dil se aatī hai ye sadā paiham

paas tere huuñ tujh se duur nahīñ

dil-e-vahshī ne the qadam chūme

is meñ koī mirā qusūr nahīñ

ḳhaak ho kar ġhubār-e-rāh bano

naḳhvat-o-kibr kuchh zarūr nahīñ

jalva dikhlā de shāh-e-dīñ mujh ko

tere lutf-o-karam se duur nahīñ

jalva-e-nūr se jalā thā koh

dil makān-e-ḳhudā hai tuur nahīñ

ai 'jamīla' gunah kā kyā dhaḌkā

naam is kā magar ġhafūr nahīñ

kaun si shai mein tera nur nahin

kis jagah par tera zuhur nahin

dil se aati hai ye sada paiham

pas tere hun tujh se dur nahin

dil-e-wahshi ne the qadam chume

is mein koi mera qusur nahin

KHak ho kar ghubar-e-rah bano

naKHwat-o-kibr kuchh zarur nahin

jalwa dikhla de shah-e-din mujh ko

tere lutf-o-karam se dur nahin

jalwa-e-nur se jala tha koh

dil makan-e-KHuda hai tur nahin

ai 'jamila' gunah ka kya dhaDka

nam is ka magar ghafur nahin