KHak-basta shahab kitne the

ḳhāk-basta shahāb kitne the

mahv-e-sahrā sarāb kitne the

koī tā'bīr tak nahīñ pahuñchā

shab kī āñkhoñ meñ ḳhvāb kitne the

ḳhuub raunaq thī terī mahfil meñ

ham se ḳhāna-ḳharāb kitne the

sab savālī the māh-pāroñ ke

munkir-e-māhtāb kitne the

terī āvāz par sadā dete

itne hāzir-javāb kitne the

'āshiqoñ kā hujūm thā lekin

'ishq meñ kāmyāb kitne the

KHak-basta shahab kitne the

mahw-e-sahra sarab kitne the

koi ta'bir tak nahin pahuncha

shab ki aankhon mein KHwab kitne the

KHub raunaq thi teri mahfil mein

hum se KHana-KHarab kitne the

sab sawali the mah-paron ke

munkir-e-mahtab kitne the

teri aawaz par sada dete

itne hazir-jawab kitne the

'ashiqon ka hujum tha lekin

'ishq mein kaamyab kitne the