KHak ho kar bhi aasman DhunDa

ḳhaak ho kar bhī āsmāñ DhūñDā

tujh ko ham ne kahāñ kahāñ DhūñDā

ham ne rātoñ ko jaag kar aksar

TuuTe ḳhvāboñ kā har nishāñ DhūñDā

zaat kā apnī kuchh sirā na milā

ḳhud ko ham ne hai kal jahāñ DhūñDā

ishq hāsil kabhī huā hī nahīñ

umr bhar tujh ko jān-e-jāñ DhūñDā

tum ko rāhat milegī kaise 'hinā'

tum ne ghar chhoḌ kar makāñ DhūñDā

KHak ho kar bhi aasman DhunDa

tujh ko hum ne kahan kahan DhunDa

hum ne raaton ko jag kar aksar

TuTe KHwabon ka har nishan DhunDa

zat ka apni kuchh sira na mila

KHud ko hum ne hai kal jahan DhunDa

ishq hasil kabhi hua hi nahin

umr bhar tujh ko jaan-e-jaan DhunDa

tum ko rahat milegi kaise 'hina'

tum ne ghar chhoD kar makan DhunDa