KHak hun tur samajh aur jila de mujhko

ḳhaak huuñ tuur samajh aur jilā de mujh ko

ai ḳhudā apnī tajallī kī ziyā de mujh ko

maulā majzūb minallāh banā de mujh ko

ishq-e-sādiq kī yuuñ me.arāj karā de mujh ko

aisī koī bhī na ai yaar duā de mujh ko

mar hī jā.ūñ koī aisī to sazā de mujh ko

roz-e-mahshar to abhī duur hai mere allāh

kar koī mo.ajiza aur ḳhud se milā de mujh ko

nahīñ karnā hai mujhe ishq-e-majāzī kisī se

maulā ishq-e-azalī karnā sikhā de mujh ko

aaj rote hue maiñ ne to use kah diyā hai

ki maiñ darvesh sifat huuñ tū bhulā de mujh ko

tañg aane lagā huuñ zindagī kī uljhanoñ se

apnī qudrat se ḳhudā rāh-e-fanā de mujh ko

dard ehsās ḳhushī jaisī koī chiiz na ho

tū hī tū ho ba-ḳhudā aisī fazā de mujh ko

terā ehsās jilātā hai mirā dāman-e-yār

bhuul jā.ūñ tujhe taufīq-e-ḳhudā de mujh ko

merī manzil kā pata pūchhte haiñ mujh se log

kuchh to kar aisā tamāshā hī banā de mujh ko

KHak hun tur samajh aur jila de mujh ko

ai KHuda apni tajalli ki ziya de mujh ko

maula majzub minallah bana de mujh ko

ishq-e-sadiq ki yun mearaj kara de mujh ko

aisi koi bhi na ai yar dua de mujh ko

mar hi jaun koi aisi to saza de mujh ko

roz-e-mahshar to abhi dur hai mere allah

kar koi moajiza aur KHud se mila de mujh ko

nahin karna hai mujhe ishq-e-majazi kisi se

maula ishq-e-azali karna sikha de mujh ko

aaj rote hue main ne to use kah diya hai

ki main darwesh sifat hun tu bhula de mujh ko

tang aane laga hun zindagi ki uljhanon se

apni qudrat se KHuda rah-e-fana de mujh ko

dard ehsas KHushi jaisi koi chiz na ho

tu hi tu ho ba-KHuda aisi faza de mujh ko

tera ehsas jilata hai mera daman-e-yar

bhul jaun tujhe taufiq-e-KHuda de mujh ko

meri manzil ka pata puchhte hain mujh se log

kuchh to kar aisa tamasha hi bana de mujh ko