KHak jina hai agar maut se Darna hai yahi

Mohammad Ali Jauhar

KHak jina hai agar maut se Darna hai yahi

Mohammad Ali Jauhar

MORE BY Mohammad Ali Jauhar

    ḳhaak jiinā hai agar maut se Darnā hai yahī

    havas-e-zīst ho is darja to marnā hai yahī

    qulzum-e-ishq meñ haiñ nafā o salāmat donoñ

    is meñ Duube bhī to kyā paar utarnā hai yahī

    qaid-e-gesū se bhalā kaun rahegā āzād

    terī zulfoñ jo shānoñ pe bikharnā hai yahī

    ai ajal tujh se bhī kyā ḳhaak rahegī ummīd

    vaada kar ke jo tirā roz mukarnā hai yahī

    aur kis vaz.a ke juuyā haiñ urūsān-e-bahisht

    haiñ kafan surḳh shahīdoñ sañvarnā hai yahī

    had hai pastī ki pastī ko bulandī jaanā

    ab bhī ehsās ho is to ubharnā hai yahī

    tujh se kyā sub.h talak saath nibhegā ai umr

    shab-e-furqat jo ghaḌiyoñ guzarnā hai yahī

    ho na māyūs ki hai fat.h taqrīb shikast

    qalb-e-momin mirī jaan nikharnā hai yahī

    naqd-e-jāñ nazr karo sochte kyā ho 'jauhar'

    kaam karne yahī hai tumheñ karnā hai yahī

    KHak jina hai agar maut se Darna hai yahi

    hawas-e-zist ho is darja to marna hai yahi

    qulzum-e-ishq mein hain nafa o salamat donon

    is mein Dube bhi to kya par utarna hai yahi

    qaid-e-gesu se bhala kaun rahega aazad

    teri zulfon ka jo shanon pe bikharna hai yahi

    ai ajal tujh se bhi kya KHak rahegi ummid

    wada kar ke jo tera roz mukarna hai yahi

    aur kis waza ke juya hain urusan-e-bahisht

    hain kafan surKH shahidon ka sanwarna hai yahi

    had hai pasti ki ki pasti ko bulandi jaana

    ab bhi ehsas ho is ka to ubharna hai yahi

    tujh se kya subh talak sath nibhega ai umr

    shab-e-furqat ki jo ghaDiyon ka guzarna hai yahi

    ho na mayus ki hai fath ki taqrib shikast

    qalb-e-momin ka meri jaan nikharna hai yahi

    naqd-e-jaan nazr karo sochte kya ho 'jauhar'

    kaam karne ka yahi hai tumhein karna hai yahi

    RECITATIONS

    Nomaan Shauque

    Nomaan Shauque

    Nomaan Shauque

    KHak jina hai agar maut se Darna hai yahi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites