Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHak uDti hai KHaridar kahan kho gae hain

Sultan Akhtar

KHak uDti hai KHaridar kahan kho gae hain

Sultan Akhtar

MORE BYSultan Akhtar

    ḳhaak uḌtī hai ḳharīdār kahāñ kho ga.e haiñ

    jin se thī raunaq-e-bāzār kahāñ kho ga.e haiñ

    sab peshāniyāñ sajdoñ se munavvar haiñ yahāñ

    ai ḳhudā tere gunahgār kahāñ kho ga.e haiñ

    sar-nigūñ baiThe haiñ sab zill-e-ilāhī ke huzūr

    kyā hue sāhib-e-dastār kahāñ kho ga.e haiñ

    jin ke dāman meñ duāoñ ke ḳhazāne the bahut

    vo saḳhāvat ke alam-dār kahāñ kho ga.e haiñ

    aisā ehsās-e-ziyāñ to kabhī guzrā na thā

    dost kyā hue aġhyār kahāñ kho ga.e haiñ

    DhūñDhtī phirtī hai pāgal tarah shām-e-avadh

    lucknow tere trahdār kahāñ kho ga.e haiñ

    ḳhāna-e-jāñ meñ añdherā añdherā hai tamām

    vo farozāñ dar-o-dīvār kahāñ kho ga.e haiñ

    manzileñ jin qadam-bosī pe nāzāñ thiiñ bahut

    vo jarī qāfila-sālār kahāñ kho ga.e haiñ

    DhūñDtā phirtā huuñ darvesh o qalandar 'aḳhtar'

    sab ke sab ā.īna-kirdār kahāñ kho ga.e haiñ

    KHak uDti hai KHaridar kahan kho gae hain

    jin se thi raunaq-e-bazar kahan kho gae hain

    sab ki peshaniyan sajdon se munawwar hain yahan

    ai KHuda tere gunahgar kahan kho gae hain

    sar-nigun baiThe hain sab zill-e-ilahi ke huzur

    kya hue sahib-e-dastar kahan kho gae hain

    jin ke daman mein duaon ke KHazane the bahut

    wo saKHawat ke alam-dar kahan kho gae hain

    aisa ehsas-e-ziyan to kabhi guzra hi na tha

    dost kya hue aghyar kahan kho gae hain

    DhunDhti phirti hai pagal ki tarah sham-e-awadh

    lucknow tere trahdar kahan kho gae hain

    KHana-e-jaan mein andhera hi andhera hai tamam

    wo farozan dar-o-diwar kahan kho gae hain

    manzilen jin ki qadam-bosi pe nazan thin bahut

    wo jari qafila-salar kahan kho gae hain

    DhunDta phirta hun darwesh o qalandar 'aKHtar'

    sab ke sab aaina-kirdar kahan kho gae hain

    Videos
    This video is playing from YouTube

    Videos
    This video is playing from YouTube

    Sultan Akhtar

    Sultan Akhtar

    Sultan Akhtar

    Sultan Akhtar

    RECITATIONS

    Sultan Akhtar

    Sultan Akhtar,

    Sultan Akhtar

    KHak uDti hai KHaridar kahan kho gae hain Sultan Akhtar

    Source :
    • Book : Ghazalistan (Pg. 157)
    • Author : Sultan Akhtar
    • Publication : Eram Publishing House, Patna (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now