aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHak ugati hain suraten kya kya

Nazeer Qaisar

KHak ugati hain suraten kya kya

Nazeer Qaisar

MORE BYNazeer Qaisar

    ḳhaak ugātī haiñ sūrateñ kyā kyā

    ā.inoñ meñ haiñ hairateñ kyā kyā

    umr ke be-sabāt safhoñ par

    likh rahā huuñ ibārateñ kyā kyā

    khulte jaate haiñ bāb-e-harf-o-sadā

    ho rahī haiñ ziyārateñ kyā kyā

    muḌ ke dekhūñ to naqsh-e-pā tarah

    ham-safar haiñ rivāyateñ kyā kyā

    lafz āvāz aur saa.e meñ

    DhūñDhtā huuñ shabāhateñ kyā kyā

    ḳhvāb se paikar-e-ma.ānī tak

    rūnumā haiñ alāmateñ kyā kyā

    rañg laa.ī hai hasrat-e-tāmīr

    gir rahī haiñ imārateñ kyā kyā

    aadmī marsiyoñ sūrat meñ

    likh rahā hai bashārateñ kyā kyā

    KHak ugati hain suraten kya kya

    aainon mein hain hairaten kya kya

    umr ke be-sabaat safhon par

    likh raha hun ibaraten kya kya

    khulte jate hain bab-e-harf-o-sada

    ho rahi hain ziyaraten kya kya

    muD ke dekhun to naqsh-e-pa ki tarah

    ham-safar hain riwayaten kya kya

    lafz aawaz aur sae mein

    DhunDhta hun shabahaten kya kya

    KHwab se paikar-e-maani tak

    runuma hain alamaten kya kya

    rang lai hai hasrat-e-tamir

    gir rahi hain imaraten kya kya

    aadmi marsiyon ki surat mein

    likh raha hai bashaaraten kya kya

    Source:

    Mujalla Dastavez (Pg. 605)

    • Author: Aziz Nabeel
      • Edition: 2013-14
      • Publisher: Edarah Dastavez
      • Year of Publication: 2013-14
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now