KHana-e-ummid be-nur-o-ziya hone ko hai
ḳhāna-e-ummīd be-nūr-o-ziyā hone ko hai
chashm-e-tar se āḳhirī aañsū judā hone ko hai
ye bhī ai dil ik fareb-e-vāda-e-fardā na ho
roz suntā huuñ koī mahshar bapā hone ko hai
duur huuñ lekin batā saktā huuñ un kī bazm meñ
kyā huā kyā ho rahā hai aur kyā hone ko hai
khul rahī hai aañkh ik kāfir hasīñ kī sub.h-dam
mai-kasho muzhda dar-e-mai-ḳhāna vā hone ko hai
tark-e-ulfat ko zamāna ho gayā lekin 'shakīl'
aaj phir merā aur un kā sāmnā hone ko hai
KHana-e-ummid be-nur-o-ziya hone ko hai
chashm-e-tar se aaKHiri aansu juda hone ko hai
ye bhi ai dil ek fareb-e-wada-e-farda na ho
roz sunta hun koi mahshar bapa hone ko hai
dur hun lekin bata sakta hun un ki bazm mein
kya hua kya ho raha hai aur kya hone ko hai
khul rahi hai aankh ek kafir hasin ki subh-dam
mai-kasho muzhda dar-e-mai-KHana wa hone ko hai
tark-e-ulfat ko zamana ho gaya lekin 'shakil'
aaj phir mera aur un ka samna hone ko hai
- Book : Kulliyat-e-Shakiil Badaayuuni (Pg. 755)
- Author : Shakiil Badaayuuni
- Publication : Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.