aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHandan-e-qais ka main to sada se pir hun

Shah Naseer

KHandan-e-qais ka main to sada se pir hun

Shah Naseer

MORE BYShah Naseer

    ḳhāndān-e-qais maiñ to sadā se piir huuñ

    silsila-jumbān-e-shor-e-ḳhāna-e-zanjīr huuñ

    ḳhāksārī ke abhī to darpai tadbīr huuñ

    kushta ho kar ḳhaak jab hoñ tab kabhī iksīr huuñ

    zo.af ne go kar diyā hai juuñ kamāñ gosha-nashīñ

    ab bhī chalne ko jo pūchho to sarāsar tiir huuñ

    rishta-e-ulfat ne bāñdhe haiñ par-e-parvāz aah

    dām-e-hairat meñ ba-rañg-e-bulbul-e-tasvīr huuñ

    tujh se ye uqda khulegā ai nasīm-e-sub.h-dam

    ġhunche mānind is gulshan meñ kyuuñ dil-gīr huuñ

    muntazir chashm-e-rikāb ai said-e-afgan hai hanūz

    bosa-e-fitrāk ḳhvāhish hai vo naḳhchīr huuñ

    faqr daulat ke aage saltanat kyā maal hai

    bistare par apne ai rūba-mizājo sher huuñ

    sach hai apne dam se qaa.em hai ye buniyād-e-jahāñ

    raunaq-afzā-e-chaman ārā.ish-e-ta.amīr huuñ

    jaisī chāhe vaisī le mujh se qasam qātil na Dar

    hashr ko bhī gar kabhī terā maiñ dāman-gīr huuñ

    ahl-e-jauhar mire mazmūñ ko samjhe hai 'nasīr'

    maiñ bhī iqlīm-e-suḳhan meñ sāhib-e-shamshīr huuñ

    KHandan-e-qais ka main to sada se pir hun

    silsila-jumban-e-shor-e-KHana-e-zanjir hun

    KHaksari ke abhi to darpai tadbir hun

    kushta ho kar KHak jab hon tab kabhi iksir hun

    zoaf ne go kar diya hai jun kaman gosha-nashin

    ab bhi chalne ko jo puchho to sarasar tir hun

    rishta-e-ulfat ne bandhe hain par-e-parwaz aah

    dam-e-hairat mein ba-rang-e-bulbul-e-taswir hun

    tujh se ye uqda khulega ai nasim-e-subh-dam

    ghunche ki manind is gulshan mein kyun dil-gir hun

    muntazir chashm-e-rikab ai said-e-afgan hai hanuz

    bosa-e-fitrak ki KHwahish hai wo naKHchir hun

    faqr ki daulat ke aage saltanat kya mal hai

    bistare par apne ai ruba-mizajo sher hun

    sach hai apne dam se qaem hai ye buniyaad-e-jahan

    raunaq-afza-e-chaman aaraish-e-tamir hun

    jaisi chahe waisi le mujh se qasam qatil na Dar

    hashr ko bhi gar kabhi tera main daman-gir hun

    ahl-e-jauhar hi mere mazmun ko samjhe hai 'nasir'

    main bhi iqlim-e-suKHan mein sahib-e-shamshir hun

    Source:

    Kulliyat-e-Shah Nasiir áPart IIâ(rekhta website) (Pg. 288)

    • Author: Shah Naseer
      • Edition: 1977
      • Publisher: Majlis-e-Taraqqi-e-Adab, Lahore, Ahmad Nadeem Qasmi
      • Year of Publication: 1977
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now