Khaar chhune se bhi hathon mein utar jaega

ḳhaar chhūne se bhī hāthoñ meñ utar jā.egā

mas.ala phuul kā hai phuul kidhar jā.egā

ye batā saath mire raḳht-e-safar bāñdhegā

yā ki manzil ke tasavvur se hī Dar jā.egā

ai mire dil ye nagar to hai jafā-kāroñ kā

jurm koī bhī karegā tire sar jā.egā

dil dukhāne kī sharārat na kabhī karnā tum

saat pushtoñ meñ sharārat kā asar jā.egā

dil-lagī yaad talab hijr alam sab hoñge

'ishq ko chhūne talak jaañ se guzar jā.egā

gar vo iqrār se ik baar mukar jā.eñge

'zain' ummīd liye bār-e-digar jā.egā

KHar chhune se bhi hathon mein utar jaega

masala phul ka hai phul kidhar jaega

ye bata sath mere raKHt-e-safar bandhega

ya ki manzil ke tasawwur se hi Dar jaega

ai mere dil ye nagar to hai jafa-karon ka

jurm koi bhi karega tere sar jaega

dil dukhane ki shararat na kabhi karna tum

sat pushton mein shararat ka asar jaega

dil-lagi yaad talab hijr alam sab honge

'ishq ko chhune talak jaan se guzar jaega

gar wo iqrar se ek bar mukar jaenge

'zain' ummid liye bar-e-digar jaega