KHatir-e-haal madarat nahin ki jaegi

ḳhātir-e-hāl madārat nahīñ kī jā.egī

ham se is taur mohabbat nahīñ kī jā.egī

ro.eñge sīna-e-aflāk ke chaak hone tak

is qadar ham se muravvat nahīñ kī jā.egī

kis tarah ḳhvāb kā imkān-e-ziyāñ kam hogā

aap se kashf-o-karāmat nahīñ kī jā.egī

sānehe ḳhaak ne phir bāñdhe mire dāman se

dil se is darja sa.ūbat nahīñ kī jā.egī

ham riyā-kār-e-zamāna haiñ magar zinda haiñ

raushnī terī hazīmat nahīñ kī jā.egī

terī ruḳhsat ke samay ham ye khaḌe sochte haiñ

hālat-e-hijr to ruḳhsat nahīñ kī jā.egī

is mulāqāt pe ik faisla ho jaane do

baat bā-tarz-e-rivāyat nahīñ kī jā.egī

KHatir-e-haal madarat nahin ki jaegi

hum se is taur mohabbat nahin ki jaegi

roenge sina-e-aflak ke chaak hone tak

is qadar hum se murawwat nahin ki jaegi

kis tarah KHwab ka imkan-e-ziyan kam hoga

aap se kashf-o-karamat nahin ki jaegi

sanehe KHak ne phir bandhe mere daman se

dil se is darja saubat nahin ki jaegi

hum riya-kar-e-zamana hain magar zinda hain

raushni teri hazimat nahin ki jaegi

teri ruKHsat ke samay hum ye khaDe sochte hain

haalat-e-hijr to ruKHsat nahin ki jaegi

is mulaqat pe ek faisla ho jaane do

baat ba-tarz-e-riwayat nahin ki jaegi