KHabar kuchh hai tujhe tere chale jaane pe kya guzri

ḳhabar kuchh hai tujhe tere chale jaane pe kyā guzrī

parastāroñ pe kyā guzrī sanam-ḳhāne pe kyā guzrī

pare dair-o-haram se bhī ga.e kyūñkar ḳhudā jaane

hudūd-e-aql se aage nikal jaane pe kyā guzrī

ga.e the ban-sañvar ke ā.ina-ḳhāne meñ vo ik din

kise mālūm hai phir ā.ina-ḳhāne pe kyā guzrī

mirā dast-e-junūñ aage baḌhā hai jeb-o-dāmāñ se

ḳhudā-rā ab na pūchho ki bahār aane pe kyā guzrī

ijāzat ho to ai pīr-e-muġhāñ kyā pūchh saktā huuñ

ki mere baa'd tujh pe tere maiḳhāne pe kyā guzrī

KHabar kuchh hai tujhe tere chale jaane pe kya guzri

parastaron pe kya guzri sanam-KHane pe kya guzri

pare dair-o-haram se bhi gae kyunkar KHuda jaane

hudud-e-aql se aage nikal jaane pe kya guzri

gae the ban-sanwar ke aaina-KHane mein wo ek din

kise malum hai phir aaina-KHane pe kya guzri

mera dast-e-junun aage baDha hai jeb-o-daman se

KHuda-ra ab na puchho ki bahaar aane pe kya guzri

ijazat ho to ai pir-e-mughan kya puchh sakta hun

ki mere ba'd tujh pe tere maiKHane pe kya guzri