KHafa us se kyun tu meri jaan hai

ḳhafā us se kyuuñ tū mirī jaan hai

'asar' to koī dam kā mehmān hai

tere ahd meñ saḳht andher hai

ki ishq o havas har do yaksān hai

kahūñ kyā ḳhudā jāntā hai sanam

mohabbat tirī apnā īmān hai

dil-o-ġham meñ aur sīna-o-dāġh meñ

rifāqat kā yaañ ahd-o-paimān hai

tujhe bhī kabhū kuchh mirā hai ḳhayāl

mujhe marte marte tirā dhyān hai

na dekhā phir āḳhir ki mushkil paḌī

udhar dekhnā aisā āsān hai

qayāmat yahī hai ki abrū kamāñ

tujhe jin ne dekhā so qurbān hai

guloñ kī tarah chaak kā ai bahār

muhayyā har ik yaañ garebān hai

bhalā diid kar lījiye muft hai

ki ab tak sitamgar vo anjān hai

mujhe qatl karte to uuneñ kyā

par apne kiye par pashemān hai

nahīñ hai ye qātil taġhāful kā vaqt

ḳhabar le ki baaqī abhī jaan hai

ta.ammul kahāñ varna chuuñ ġhuncha yaañ

jo sar hai so ġharq-e-garebān hai

ye kyā ho gayā dekhte dekhte

'asar' maiñ to maiñ vo bhī hairān hai

KHafa us se kyun tu meri jaan hai

'asar' to koi dam ka mehman hai

tere ahd mein saKHt andher hai

ki ishq o hawas har do yaksan hai

kahun kya KHuda jaanta hai sanam

mohabbat teri apna iman hai

dil-o-gham mein aur sina-o-dagh mein

rifaqat ka yan ahd-o-paiman hai

tujhe bhi kabhu kuchh mera hai KHayal

mujhe marte marte tera dhyan hai

na dekha phir aaKHir ki mushkil paDi

udhar dekhna aisa aasan hai

qayamat yahi hai ki abru kaman

tujhe jin ne dekha so qurban hai

gulon ki tarah chaak ka ai bahaar

muhayya har ek yan gareban hai

bhala did kar lijiye muft hai

ki ab tak sitamgar wo anjaan hai

mujhe qatl karte to unen kya

par apne kiye par pasheman hai

nahin hai ye qatil taghaful ka waqt

KHabar le ki baqi abhi jaan hai

tammul kahan warna chun ghuncha yan

jo sar hai so gharq-e-gareban hai

ye kya ho gaya dekhte dekhte

'asar' main to main wo bhi hairan hai