KHalq-e-KHuda hai shah ki muKHbar lagi hui

ḳhalq-e-ḳhudā hai shaah kī muḳhbar lagī huī

ḳhāmoshiyoñ kī bhiiḌ hai ghar-ghar lagī huī

sañg o sag o sadā sabhī pīchhe paḌe hue

ik dauḌ sī hai ham meñ barābar lagī huī

sad ehtimām-e-girya bhī aayā na apne kaam

bujhtī nahīñ hai aag sī andar lagī huī

aao ki mutma.in kareñ apne zamīr ko

mohar-e-sukūt toḌ deñ lab par lagī huī

lāzim hai ehtiyāt faqīhān-e-sheher ko

har ik nazar hai ab sar-e-mimbar lagī huī

muddat ke ba.ad aa.e to rūThī huī sī thī

taḳhtī hamāre naam kī dar par lagī huī

uḌtī rahī kuchh is tarah rusvā.iyoñ kī ḳhaak

jaise 'shafīq' baat koī par lagī huī

KHalq-e-KHuda hai shah ki muKHbar lagi hui

KHamoshiyon ki bhiD hai ghar-ghar lagi hui

sang o sag o sada sabhi pichhe paDe hue

ek dauD si hai hum mein barabar lagi hui

sad ehtimam-e-girya bhi aaya na apne kaam

bujhti nahin hai aag si andar lagi hui

aao ki mutmain karen apne zamir ko

mohar-e-sukut toD den lab par lagi hui

lazim hai ehtiyat faqihan-e-sheher ko

har ek nazar hai ab sar-e-mimbar lagi hui

muddat ke baad aae to ruThi hui si thi

taKHti hamare nam ki dar par lagi hui

uDti rahi kuchh is tarah ruswaiyon ki KHak

jaise 'shafiq' baat koi par lagi hui