aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHamosh jada-e-inkar bhi hai sahra bhi

Arshad Abdul Hamid

KHamosh jada-e-inkar bhi hai sahra bhi

Arshad Abdul Hamid

MORE BYArshad Abdul Hamid

    ḳhamosh jāda-e-inkār bhī hai sahrā bhī

    azā meñ pā-e-junūñ baar bhī hai sahrā bhī

    kahīñ bhī jaa.eñ lahū ko to sirf honā hai

    ki tishna kūcha-e-dildār bhī hai sahrā bhī

    matā-e-zīst ḳharīdeñ ki terī samt baḌheñ

    hamāre sāmne bāzār bhī hai sahrā bhī

    mujhe to saarī hadoñ se gurez karnā hai

    mirā harīf to ghar-bār bhī hai sahrā bhī

    yahīñ ye dhuul yahīñ ḳhushbueñ bhī uḌtī haiñ

    ye dil ki ḳhitta-e-gulzār bhī hai sahrā bhī

    na chhoḌtā hai na zanjīr kar ke rakhtā hai

    tirā ḳhayāl ki dīvār bhī hai sahrā bhī

    ye kyā jagah hai jahāñ donoñ vaqt milte haiñ

    yahāñ daraḳht samar-bār bhī hai sahrā bhī

    zarā chuuk se pāñsa palaT bhī saktā hai

    ki aql shahr-e-fusūñ-kār bhī hai sahrā bhī

    KHamosh jada-e-inkar bhi hai sahra bhi

    aza mein pa-e-junun bar bhi hai sahra bhi

    kahin bhi jaen lahu ko to sirf hona hai

    ki tishna kucha-e-dildar bhi hai sahra bhi

    mata-e-zist KHariden ki teri samt baDhen

    hamare samne bazar bhi hai sahra bhi

    mujhe to sari hadon se gurez karna hai

    mera harif to ghar-bar bhi hai sahra bhi

    yahin ye dhul yahin KHushbuen bhi uDti hain

    ye dil ki KHitta-e-gulzar bhi hai sahra bhi

    na chhoDta hai na zanjir kar ke rakhta hai

    tera KHayal ki diwar bhi hai sahra bhi

    ye kya jagah hai jahan donon waqt milte hain

    yahan daraKHt samar-bar bhi hai sahra bhi

    zara si chuk se pansa palaT bhi sakta hai

    ki aql shahr-e-fusun-kar bhi hai sahra bhi

    Source:

    Sadaa-e-aabju (Pg. 53)

    • Author: Arshad Abdul Hameed
      • Edition: 2004
      • Publisher: Arshad Abdul Hameed
      • Year of Publication: 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now