KHamosh jhil mein girdab dekh lete hain
ḳhamosh jhiil meñ girdāb dekh lete haiñ
samundaroñ ko bhī pāyāb dekh lete haiñ
zarā jo azmat-e-rafta pe harf aane lage
to ik bachī huī mehrāb dekh lete haiñ
uchaTtī niiñd se hāsil bhī aur kyā hogā
kaTe phaTe hue kuchh ḳhvāb dekh lete haiñ
hameñ bhī jur.at-e-guftār hone lagtī hai
jo un ke lahje ko shādāb dekh lete haiñ
safar kā azm to baaqī nahīñ rahā 'rāshid'
bas ab bañdhā huā asbāb dekh lete haiñ
KHamosh jhil mein girdab dekh lete hain
samundaron ko bhi payab dekh lete hain
zara jo azmat-e-rafta pe harf aane lage
to ek bachi hui mehrab dekh lete hain
uchaTti nind se hasil bhi aur kya hoga
kaTe phaTe hue kuchh KHwab dekh lete hain
hamein bhi jurat-e-guftar hone lagti hai
jo un ke lahje ko shadab dekh lete hain
safar ka azm to baqi nahin raha 'rashid'
bas ab bandha hua asbab dekh lete hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
