KHamosh rah kar bhi sab batana

ḳhamosh rah kar bhī sab batānā

maiñ jab na pūchhūñgā tab batānā

maiñ likhne baiThā to ḳhud se bolā

likho vahī jo hai ḳhud se jaanā

ai mere siine meñ baiThe daldal

nahīñ tū patthar hai maiñ ne jaanā

hai zulmatoñ se bharā ye mausam

hai saarī duniyā ko bas kamānā

baḌī mashaqqat se paayā huuñ maiñ

jo paas hai mere tānā-bānā

havā.eñ jhakjhortī haiñ jab bhī

hai merī 'ādat meñ gungunānā

tire binā maañ maiñ kuchh nahīñ huuñ

tirī du'ā hai mirā ḳhazānā

tū yuuñ chamaktā rahegā 'sāqib'

kabhī na bhūlā jo ghar kā daanā

KHamosh rah kar bhi sab batana

main jab na puchhunga tab batana

main likhne baiTha to KHud se bola

likho wahi jo hai KHud se jaana

ai mere sine mein baiThe daldal

nahin tu patthar hai main ne jaana

hai zulmaton se bhara ye mausam

hai sari duniya ko bas kamana

baDi mashaqqat se paya hun main

jo pas hai mere tana-bana

hawaen jhakjhorti hain jab bhi

hai meri 'adat mein gungunana

tere bina man main kuchh nahin hun

teri du'a hai mera KHazana

tu yun chamakta rahega 'saqib'

kabhi na bhula jo ghar ka dana