KHamosh rah ke zawal-e-suKHan ka gham kiye jaen

Idris Babar

KHamosh rah ke zawal-e-suKHan ka gham kiye jaen

Idris Babar

MORE BYIdris Babar

    ḳhamosh rah ke zavāl-e-suḳhan ġham kiye jaa.eñ

    savāl ye hai ki yuuñ kitnī der ham kiye jaa.eñ

    ye naqsh-gar ke liye sahal bhī na ho shāyad

    ki ham se aur bhī is ḳhaak par raqam kiye jaa.eñ

    ka.ī guzishta zamāne ka.ī shikasta nujūm

    jo dastaras meñ haiñ lafzoñ meñ kaise zam kiye jaa.eñ

    ye goshvāre zabāñ ke bahut sambhāl chuke

    sau sher kaaT diye jaa.eñ ḳhvāb kam kiye jaa.eñ

    terā ḳhayāl bhī aa.e to kitnī der talak

    ka.ī ġhazāl mire dasht-e-dil meñ ram kiye jaa.eñ

    maiñ jāntā huuñ ye mumkin nahīñ magar ai dost

    maiñ chāhtā huuñ ki vo ḳhvāb phir baham kiye jaa.eñ

    hisāb dil rakheñ ham ki dahr 'bābar'

    shumār daaġh kiye jaa.eñ diram kiye jaa.eñ

    KHamosh rah ke zawal-e-suKHan ka gham kiye jaen

    sawal ye hai ki yun kitni der hum kiye jaen

    ye naqsh-gar ke liye sahal bhi na ho shayad

    ki hum se aur bhi is KHak par raqam kiye jaen

    kai guzishta zamane kai shikasta nujum

    jo dastaras mein hain lafzon mein kaise zam kiye jaen

    ye goshware zaban ke bahut sambhaal chuke

    sau sher kaT diye jaen KHwab kam kiye jaen

    tera KHayal bhi aae to kitni der talak

    kai ghazal mere dasht-e-dil mein ram kiye jaen

    main jaanta hun ye mumkin nahin magar ai dost

    main chahta hun ki wo KHwab phir baham kiye jaen

    hisab dil ka rakhen hum ki dahr ka 'babar'

    shumar dagh kiye jaen ya diram kiye jaen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now