KHamoshi ki girah khole sar-e-awaz tak aae

ḳhamoshī kī girah khole sar-e-āvāz tak aa.e

ishāra koī to samjhe koī to raaz tak aa.e

koī anjām kab se muntazir hai ik hāzir kā

koī raḳht-e-safar bāñdhe koī āġhāz tak aa.e

zamīn-e-dil ye jam jaane se kuchh hāsil nahīñ hogā

ġhubār-e-shauq se kah do zarā parvāz tak aa.e

koī mahfil baḌī ḳhāmosh hai yādoñ se phir kah do

rabāb-e-jāñ koī chheḌe koī dam-sāz tak aa.e

kisī ke naam kar Daalā thā ḳhvāboñ ke jazīre ko

safīne an-ginat varna nigāh-e-nāz tak aa.e

KHamoshi ki girah khole sar-e-awaz tak aae

ishaara koi to samjhe koi to raaz tak aae

koi anjam kab se muntazir hai ek hazir ka

koi raKHt-e-safar bandhe koi aaghaz tak aae

zamin-e-dil ye jam jaane se kuchh hasil nahin hoga

ghubar-e-shauq se kah do zara parwaz tak aae

koi mahfil baDi KHamosh hai yaadon se phir kah do

rabab-e-jaan koi chheDe koi dam-saz tak aae

kisi ke nam kar Dala tha KHwabon ke jazire ko

safine an-ginat warna nigah-e-naz tak aae